काठमाण्डौ ।
विरेन्द्र बाग: वैशाख २, बझाङ्ग जिल्लाको मष्टा गाउँपालिका वडा नं. ५ मा आगलागी हुँदा एक घर पूर्णरूपमा जलेर नष्ट भएको छ भने गोठमा बाँधिएको भैंसी जलेर मरेको छ।
स्थानीय गगन बहादुर बोहरा र मीन बहादुर बोहराको घरमा अचानक आगलागी भएको हो। आगलागीबाट घरभित्र रहेका अन्न, लत्ताकपडा तथा अन्य सरसामान पूर्णरूपमा नष्ट भएको प्रारम्भिक जानकारी प्राप्त भएको छ।
आगलागीको कारण भने अझै खुल्न सकेको छैन। घटनापछि स्थानीय बासिन्दा र सुरक्षाकर्मीको सहयोगमा आगो नियन्त्रणमा लिइएको जनाइएको छ।
घटनापछि वडा अध्यक्षसहितको टोली राहत सामग्री लिएर घटनास्थलतर्फ गइसकेको छ। पीडित परिवारको अवस्था अत्यन्त दयनीय बनेको छ भने तत्काल राहत तथा पुनःस्थापनाको आवश्यकता देखिएको छ।
