धनगढीः कैलाली बहुमुखी क्याम्पसमा स्वतन्त्र प्यानल बनाएर निर्वाचन लडेका तेज मल्लको प्यानलले नेविसंघका उम्मेदवार सन्तोष पन्तलाई सघाउने भएको छ।
कैलाली बहुमुखी क्याम्पसमा अहिले स्वतन्त्र विद्यार्थी युनियनको निर्वाचनले माहोलले तातेको छ। मल्लले धनगढीमा आइतवार आयोजित पत्रकार सम्मेलनबाट आफ्नो उम्मेदवारी निष्क्रीय गराएको घोषणा गर्दै सन्तोष पन्तको प्यानललाई समर्थन गर्ने घोषणा गरेका हुन्।
मल्लले आफु पनि नेविसंघकै कार्यकर्ता रहेको बताउदै केही असन्तुष्टी भएपनि पन्तको प्यानललाई समर्थन रहेको बताए। उनले विज्ञप्ती जारी गर्दै संगठनमा विद्यार्थीको इच्छा बमोजिम आफूले स्वतन्त्रबाट सभापतिमा उम्मेदवारी दिएको बताएका थिए। तर संगठनलाई सहयोग गर्ने गरी नेपाल विद्यार्थी संघको सयुक्त प्यानललाई सहयोग गर्न उम्मेदवारी निष्क्रीय पारेको उनी बताउँछन्। उनले नेविसंघको संयुक्त प्यानललाई मतदान गरिदिन समेत आग्रह गरेका छन्।
