बैतडी, जेठ १६ बैतडी जिल्लाको डिलासैनी गाउँपालिका वडा नं. २, गन्नाका ३० वर्षीय वसन्त घरडी गम्भीर सडक दुर्घटनामा परेर उपचाररत छन्। गम्भीर अवस्था रहेकोले परिवारले देश–विदेशमा रहेका सहयोगी मनहरूलाई आर्थिक सहयोगका लागि हार्दिक अपिल गरेका छन्।
जेठ ११ गते राति करिब १० बजे गोकुलेश्वरबाट घरतर्फ जाँदै गर्दा उनी आफैंले चलाएको से.१.ज.१०६१ नम्बरको गाडी गल्लिगाड नजिकै अनियन्त्रित भई करिब ३० मिटर तल चौलानी नदीमा खसेको थियो। गाडीमा चालक वसन्त घरडीबाहेक अन्य कोही थिएनन्।
दुर्घटनामा वसन्तको टाउकोमा गम्भीर चोट लागेको छ। तत्कालै उनलाई धनगढीस्थित मायामेट्रो अस्पतालमा भर्ना गरिएको छ। चिकित्सकका अनुसार उनलाई ७–८ दिन ICU मा राख्नुपर्ने र शल्यक्रिया (अपरेशन) समेत गर्नु पर्ने अवस्था रहेको छ।
पीडितको परिवारको आर्थिक अवस्था कमजोर रहेकोले वसन्त घरडीको उपचारमा सहयोग गर्न सबैलाई अपिल गरिएको छ।
सहयोग गर्न चाहनेहरूले निम्न माध्यमबाट सहयोग गर्न सक्नुहुनेछः
नेपालका लागि: वसन्तका बुबा हर्कबहादुर घरडी (QR कोड र बैंक खाता नम्बर तलको फोटोमा उल्लेख छ)
भारतमा रहेका सहयोगीहरूका लागि: अमृत घरडी (फोन पे / गुगल पे / पेटिएम नं. 9972985240)
सक्दो सहयोग गरी एक युवाको जीवन बचाउन अपिल गरिएको छ।
