काठमाडौँ । नेपाल प्रहरीको ३२ औं महानिरीक्षक (आईजीपी) पदमा चन्द्र कुबेर खापुङ नियुक्त हुनुभएको छ। मन्त्रिपरिषद्को निर्णयअनुसार उहाँलाई सर्वोच्च सुरक्षा निकाय प्रहरी संगठनको नेतृत्व गर्ने जिम्मेवारी दिइएको हो।

 

खापुङ लामो समयदेखि प्रहरी सेवामा रहेर विभिन्न महत्वपूर्ण जिम्मेवारी बहन गर्दै आउनुभएको छ। अनुशासित, कार्यकुशल र इमान्दार अधिकृतका रूपमा परिचित उहाँले यसअघि महानगरीय प्रहरी, ट्राफिक, जिल्ला प्रहरी कार्यालयदेखि लिएर केन्द्रीय कार्यालयसम्म विविध जिम्मेवारी सम्हालिसक्नुभएको छ।

 

आईजीपीमा नियुक्तिपछि खापुङले प्रहरी संगठनलाई अझ चुस्त, पारदर्शी र जनमुखी बनाउन आफू प्रतिबद्ध रहेको प्रतिक्रिया दिनुभएको छ। उहाँले अपराध नियन्त्रण, सुशासन प्रवर्द्धन तथा आधुनिक प्रविधिमैत्री प्रहरी सेवामार्फत जनताको विश्वास जित्ने प्रतिवद्धता व्यक्त गर्नुभएको छ।