कैलाली, घोडाघोडी “श्रीमतीसँग म भोलि इन्डिया जान्छु, आज रिचार्ज र मासु किन्छु” भन्दै घरबाट निस्केका २८ वर्षीय केशरसिं बुढा क्षेत्री कहिल्यै घर फर्किएनन्।
गएराति घोडाघोडी नगरपालिका क्षेत्रमा घटेको यस विभत्स घटनाले सम्पूर्ण स्थानीय क्षेत्र स्तब्ध बनेको छ। प्रारम्भिक विवरणअनुसार, केशरसिंको आफ्नै सन्तानकै हातबाट टाउको छुट्याएर हत्या गरिएको खुलेको छ।
घटनापछि मृतकको टाउको लिएर प्रहरीमा पुगेका दुई युवकलाई प्रहरीले नियन्त्रणमा लिएको छ। प्रहरीका अनुसार उनीहरूबाट प्रारम्भिक बयान लिइँदै छ र घटनाको विस्तृत अनुसन्धान सुरु गरिएको छ।
स्थानीयवासीहरूका अनुसार, मृतक केशरसिं सामान्य परिवारका मेहनती युवक थिए, जो रोजगारीका लागि भारत जाने तयारीमा थिए।
एक स्थानीयले भने, “हिजोसम्म हाँस्यौं, बोल्यौं, आज उनलाई यसरी देख्नुपर्ला भनेर कसैले कल्पना गरेको थिएन।”
प्रहरीले हत्या हुनुअघिका परिस्थितिहरू र पारिवारिक विवादको सम्भावित कारणबारे पनि अनुसन्धान भइरहेको जनाएको छ।
शवलाई पोस्टमार्टमका लागि पठाइएको छ।
घोडाघोडी नगरपालिका र आसपासका बस्तीहरूमा यस घटनापछि त्रास, स्तब्धता र पीडा फैलिएको छ।
