धनगढी- नेकपा एमालेले आगामी चैत २९ गते विषेश सभाको आयोजना गर्न लागेको छ । एमालेले धनगढीमा प्रदेश स्तरिय विषेश सभा आयोजना गर्न लागेको पाटी सुदुरपश्चिम प्रदेश कमिटि सचिव रण बहादुर चन्दले बताए । लोकतान्त्रीक गणतन्त्रको संस्थागत बिकासका लागी सभा आयोजना गर्न लागिएको चन्दले बताए ।
आन्दोलनको उपलब्धी, सबिंधानको रक्षा र पछिल्लो समय देखिएको अराजकता बिरुद्ध सभा आयोजना गरिने उनले बताए । एका तर्फ हाम्रो टोल केन्द्रित वडा अभियान सञ्चालन भइरहेको छ त्यसै कार्यक्रम अन्तरगतपनि यो सभालाई लिन सकिन्छ सचिव चन्दले भने “अर्को तर्फ पछिल्लो समय लोकतान्त्रीक गणतन्त्र बिरुद्ध केही पुर्व राजाका नाममा अराजक तत्वहरुले समाजको शान्ती शुरक्षामा खलल पुगाउने खालका गतिबिधि गरेको पाइयो, त्यस कारण यस्ता जनबिरोधी गतिबिधि बिरुद्धपनि यो भेला हो, भेलालाई हाम्रा अभियानको निरन्तरता सगैं सबिंधानको रक्षाका लागी लिन सकिन्छ ।”
धनगढी पार्कमोडमा आयोजना हुने सभालाई सकेसम्म पार्टी अध्यक्ष समेत रहेका प्रधामनमन्त्री केपी शर्मा ओलीलाई बोलाउने प्रयास भएको छ । अध्यक्ष आउन नसके पाटीका पदाधिकारीको सम्बोधन हुने गरी सभा आयोजना हुने चन्दले बताए । सभामा सुदुरपश्चिमका सबै नेता, कार्यक्रता र आम परिवर्तन पक्षधर जनतालाई आउन उनले आग्रह गरे । परिवर्तनका बिरुद्ध लाग्नेहरुलाई खबरदारी गर्न सबैको सहभागिता आवश्यक रहेको बताउँदै उनले कैलाली कञ्चनपुरबाट नेता कार्यक्रताहरुलाई अनिर्वाय सहभागी हुन आवह्वान गरे ।
