गणेश शाही :दैलेख, फागुन ५।दैलेख आठबिस नगरपालिका वडा न ५ अन्तर्गत पर्ने नैनेल आधारभूत विद्यालय पिपलकोटका विधार्थीहरु भुइँमै बसाएर पठन पाठन गराई रहेका छन्।
विद्यालयले पटक पटक सम्बन्धित निकाय सम्म विद्यालयको भौतिक संरचना , पठनपाठनका अन्य सामग्रीको लागी सहयाेगमाग्दै आएका र विद्यालयको सुधारमा कसैले चासो नदेखाएको बिद्यालय व्यवस्थापन सदस्य प्रकास बिकले बताउनु भएको छ । आफूहरुले बारम्बार स्थानिय सरकार संग बजेटमा माग गर्दा कुनै चासो नदेखाएको र बिद्यालय व्यावस्थाप गर्न निकै गाह्रो भएको जानकारि दिएकाछन् ।यहाँ कसैले पनि विद्यालयको अवस्था सुधार गर्नतिर ध्यान नदिएका , विधालय व्यवस्थापन अध्यक्ष उपचारको क्रममा भारत गएकाले आफुलाई त्यति जानकारी नभएको उनले बताए।
बारम्बार सरोकारवाला निकायसँग अनुरोध गरें तर कतै बाट केहि सिप नलागेको उनी भन्छन विद्यालयको अवस्था अत्यन्तै गम्भीर छ । बेन्च , टेबुल नहुदा विद्यार्थीलाई पढ्न समस्या त छदै छ अर्को तिर भवन अवस्था पनि जिर्ण छ चिसो भुईमा बसालेर पढाउदा विद्यार्थीहरूलाई विरामी हुन्छ कि भन्ने डर समेत रहेको । डेस्क,बेन्च , टेबुल नभएको कारणले विधार्थी लाई पठन पाठन गर्नमा निकै समस्या हुने गरेको विद्यालयका प्रधानाध्यापक नमराज जैसिले जानकारि दिएका छ्न । उनका अनुसार जसमा छात्रा ७७ र छात्र ५२ जना गरि बिद्यालयमा १३२ जना विद्यार्थी अध्ययन गरिरहेका
‘धेरैले विद्यालय को नाजुक छ भन्छन तर कसैको नजर पुग्दैन । स्कुलमा बेच टेबुल मात्र नभै बिद्यालय अलि अफ्ठेरो ठाउमा भएकाले घेर बारको आवश्यकता पनि उतिकै भयको र १३२ जना विद्यार्थी भएको बिद्यालयमा कार्यलय सहयोगि सहित ४जना कर्मचारी भएकाले पठन पाठनमा निकै समस्या भएको जैसिले गुनासो पोखेका छन्।
विद्यालयमा कार्यलय सहयोगि सहित नगर अनुदान २ जना र राहत १ जना गरि जम्मा ४ जना कर्मचारी रहेका विद्यालयमा शिशु देखि ५ कक्षा सम्म पढाई हुने हुदा विद्यालयको भवन जीर्ण साथै बेन्च , टेवलको समस्या भैरहेको प्रधानाध्यापक नमराज जैसिले जानकारी दिएका छन्।स्थानीय सरकारले कम्तीमा एक पक्की भवन , डेस्क बेन्च र टेबुल व्यवस्थापन गरिदिएकोे भए बिद्यालय पठनपाठनमा सहजीकरण हुने प्रधानाध्यापकले जानकारी दिनु भएको छ।
