विरेन्द्र बाग: कार्तिक २८ देखि ३० गतेसम्म काठमाडौँमा सम्पन्न पाँचौँ खुला अन्तर्राष्ट्रिय टेक्वान्दो प्रतियोगितामा दमदार प्रदर्शन गर्दै पदक विजेता बनेका सुदूरपश्चिम प्रदेशका खेलाडी, टिम कोच तथा डोजाङ प्रमुखहरूलाई कञ्चनपुरमा भव्य समारोहकाबीच सम्मान गरिएको छ।
बिहीबार कञ्चनपुरको कबड्डी हलमा राष्ट्रिय टेक्वान्दो संघ नेपाल, जिल्ला कार्यसमिति कञ्चनपुरले आयोजना गरेको हो। प्रतियोगितामा सुदूरपश्चिमका खेलाडीहरूले ४ स्वर्ण, ६ रजत र ६ कास्य गरी कुल १६ पदक हात पार्दै प्रतिस्पर्धामा सुदूरपश्चिमको प्रभावशाली उपस्थिति स्थापित गरेका थिए।
कार्यक्रममा केन्द्रीय सदस्य तथा अन्तर्राष्ट्रिय खेलाडी धिरेन्द्र कठायत,
जिल्ला अध्यक्ष देवराज पाण्डे,प्रशिक्षक राजेन्द्र भण्डारी,चन्द्रदेव जोशी,कृष्ण धानुक,सचिव चक्रबहादुर चन्द, टिम कोच अर्जुन त्रीवा र रामचन्द्रले पदक विजेताहरूलाई प्रमाणपत्र, अविर र लड्डु खुवाउँदै सम्मान गरेका छन्।
स्वर्ण पदक विजेता : मेलिना कुमारी जोशी,हेमानिसी बोहरा,चक्रबहादुर सार्की,रोशन नाथ
रजत पदक विजेता : पूर्णिमा क्षेत्री,गायत्री भट्ट,एलिस भट्ट,समिर धामी,सनी त्रीवा,पूजन सुनार
कास्य पदक विजेता :जानकी नाथ,वर्षा कामी,सुरज रोकाया,दिवाकर चौधरी,यमन बहादुर बोहरा,पवन सिंह ठकुरी सहीत १६ जना खेलाडी रहेका हुन ।
कार्यक्रममा बोल्ने वक्ताहरूले अन्तर्राष्ट्रिय मञ्चमा सुदूरपश्चिमका खेलाडीहरूले निरन्तरता पाउँदै गरेको सफलता प्रदेशको प्रतिष्ठा र गौरव बढाउने उपलब्धि भएको उल्लेख गरे। खेलाडीहरूलाई प्रदान गरिएको सम्मानले आगामी दिनमा अझ ठूलो प्रेरणा र उत्साह दिने राष्ट्रिय टेक्वान्दो संघ नेपाल, जिल्ला कार्यसमिति कञ्चनपुरले जानकारी दिनु भएको छ।
