विरेन्द्र बाग:कंचनपुर, चैत्र १७।सुदुरपश्चिम विश्वविद्यालयको केन्द्रिय क्याम्पसमा स्वबियु निर्वाचनको प्रक्रिया विवादित बन्दै गएको छ। समाजवादी विद्यार्थी संगठन र अखिल समाजवादी विद्यार्थी संगठनले सयुक्त रूपमा एक विज्ञप्ति जारी गर्दै क्याम्पस प्रशासन र स्वबियु निर्वाचन समितिको चुनाव प्रक्रिया विरोध गरेका छन्।
यी दुई विद्यार्थी संगठनले आरोप लगाएका छन् कि क्याम्पस प्रशासन र निर्वाचन समितिले आमुख संघटनसँग मिलेर चुनाव प्रक्रिया अगाडि बढाउने योजना बनाएका छन्, जसले निर्वाचनलाई निष्पक्ष र पारदर्शी बनाउन सक्दैन।
समाजवादी र अखिल समाजवादी संगठनहरूले तत्काल चुनाव प्रक्रिया स्थगित गर्न र यस विषयमा विद्यार्थीहरूको विश्वासको पुनर्निर्माणका लागि छलफल गर्न माग गरेका छन्। साथै, तिनीहरूले क्याम्पस प्रशासन र निर्वाचन समितिका गतिविधिहरूको विरोध गर्दै ताला बन्दी लगाएका छन्।
“हामी चुनाव प्रक्रिया निष्पक्ष र पारदर्शी हुनु पर्ने माग गर्दछौं,” सयुक्त विज्ञप्तिमा भनिएको छ। “प्रशासनको यस प्रकारको कृत्यले लोकतान्त्रिक प्रक्रियामा गम्भीर शंका उत्पन्न गर्छ र विद्यार्थीहरूको हक र अधिकारमा हस्तक्षेप गर्न सक्छ।”
क्याम्पस प्रशासनले भने चुनाव प्रक्रिया कानूनी मापदण्डअनुसार अघि बढिरहेको र विद्यार्थीहरूको चिन्तालाई ध्यानमा राखेर छलफल गर्न तयार रहेको प्रतिक्रिया दिएको छ।
यस घटनाले सुदुरपश्चिम विश्वविद्यालयका विद्यार्थीहरूको बीचमा तनाव र विवादको स्थिति सिर्जना गरेको छ, र भविष्यमा यस विषयमा थप छलफल र वार्ता आवश्यक देखिन्छ।
