काठमाण्डौ ।
विरेन्द्र बाग: वैशाख १८ । पूर्वराष्ट्रपति विद्यादेवी भण्डारीले अबको बाँकी जीवन राष्ट्रको सेवामा समर्पण गर्ने बताएकी छन्। “गृहस्थ जीवन पार गरिसकेँ, अब बाँकी जीवन राष्ट्रका निम्ति,” उनले भनिन्।
राजनीतिमा दल-केन्द्रित सोच बढ्दै गएकोमा चिन्ता व्यक्त गर्दै उनले राष्ट्रिय आकाङ्क्षा केन्द्रमा राखेर सोच्नुपर्ने बताइन्। “सरकार बारम्बार परिवर्तन, साना दलको बार्गेनिङ र स्थायित्वको अभाव हटाउन राष्ट्रिय सहमतिको खाँचो छ,” भण्डारीले भनिन्।
उनले विकासको अवधारणामा नयाँ पुस्ताको चाहना अनुसार सोच्नुपर्ने आवश्यकता औँल्याउँदै बढ्दो बसाइँसराइलगायत चुनौतीमा गम्भीर हुन आग्रह गरिन्।
