विरेन्द्र बाग:कञ्चनपुर, जेठ २० — विभिन्न माग राख्दै सार्वजनिक यातायात व्यवसायीहरूले जारी राखेको यातायात बन्दको दोस्रो दिन महेन्द्रनगर बसपार्कमा सयौं यात्रुहरू अलपत्र परेका छन्। लामो तथा छोटो दूरीका सवारी साधन सञ्चालनमा नआँदा यात्रुहरू गन्तव्यमा पुग्न नसकी बसपार्कमै दिन कटाउन बाध्य भएका हुन्।

 

बसपार्कमा काठमाडौं, पोखरा, दिपायल, डोटी, बझाङ, बैतडी लगायतका स्थानहरू जान प्रतीक्षा गरिरहेका यात्रुहरू अत्यधिक गर्मी, खानेपानी र आरामको उचित व्यवस्था नहुँदा थप समस्यामा परेका छन्। कतिपय यात्रुहरू दुई दिनदेखि बसपार्कमै रात बिताइरहेका छन्।