हमासको कब्जामा परेका नेपाली विद्यार्थी बिपिन जोशी अब यस संसारमा नरहेको इस्रायली अधिकारीहरूले औपचारिक रूपमा पुष्टि गरेका छन्।
इस्रायली प्रधानमन्त्री कार्यालयका अधिकारी र सेनाका उच्च कमाण्डरहरूले अमेरिकी नागरिकसमेत रहेका जोशीकी आमा र बहिनीलाई, साथै नेपालमा रहेका उनका आफन्त किशोर जोशीलाई यो हृदयविदारक खबर सुनाएका हुन्।
इजरायलका लागि नेपाली राजदूत धनप्रसाद पण्डितले टेलिफोनमार्फत् जानकारी दिँदै भने,“इस्रायली अधिकारीहरूले बिपिन जोशी जीवित नरहेको आधिकारिक रूपमा परिवारलाई सूचित गरेका छन्।”
सन् २०२३ को अक्टोबरमा कृषि अध्ययनका लागि उज्यालो भविष्यको सपना बोकेर इस्रायल पुगेका बिपिन, दक्षिण इस्रायलको खेत क्षेत्रमा अध्ययनरत रहँदा हमासको आक्रमणमा बेपत्ता भएका थिए। त्यो दिनदेखि उनको कुनै अत्ता-पत्ता थिएन— परिवारले आशाको दीप बालिरहे, देशले प्रार्थना गरिरह्यो, तर नियतिले अर्कै लेखिसकेको रहेछ।
नेपाल सरकारले उद्धारका लागि कूटनीतिक र मानवीय प्रयासका थुप्रै तहमा पहल गरे पनि, आजसम्म उनको अवस्थाबारे ठ्याक्कै जानकारी आउन सकेको थिएन।र, आज अन्ततः— आधिकारिक पुष्टि भयो—बिपिन फर्किँदैनन्।
उनको यात्राले एउटा देशको सन्तान गुमाएको पीडा मात्र होइन, संसारभरका आमाबुबाका मुटुमा भय र करुणा थपिदिएको छ।सपना साकार गर्न टाढा गएका बिपिन, अब फर्किँदैछन्।
स्रोत: बीबीसी ,setopati, नयाँपत्रिका
