काठमाण्डौ ।
विरेन्द्र बाग: कंचनपुर, पौष २१ / नेकपा (एमाले) कञ्चनपुर निर्वाचन क्षेत्र नं. ३ बाट फागुन २१ गते हुने प्रतिनिधिसभा निर्वाचनका लागि डा. दीपक प्रकाश भट्ट सर्वसम्मत रूपमा सिफारिस हुनु भएको छ।
स्थिर नेतृत्व र अनुभवी राजनीतिको प्रतीकका रूपमा चिनिँदै आएका डा. भट्ट यसअघि पनि २०७४ सालको ऐतिहासिक नेकपा गठबन्धनकालीन निर्वाचनमा जनताको स्पष्ट मतसहित निर्वाचित भइसकेका नेता हुन्।
अनुभव, निरन्तरता र विकासप्रतिको स्पष्ट दृष्टिकोणका कारण पार्टीभित्र मात्र होइन, क्षेत्रका मतदातामाझ पनि उहाँको नाम स्वाभाविक र भरोसायोग्य विकल्पका रूपमा अघि आएको एमालेको बुझाइ छ।
यस सिफारिससँगै कञ्चनपुर–३ मा एमालेले पुनः एकपटक अनुभवले परिपक्व नेतृत्वलाई चुनावी मैदानमा उतार्दै स्थिरता र विकासको सन्देश दिएको राजनीतिक विश्लेषकहरूको टिप्पणी छ।
