विरेन्द्र बाग:काठमाडौं, २१वैशाख ।प्रधानमन्त्री केपी शर्मा ओली र नेपाल कम्युनिस्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’बीच आज सिंहदरबारस्थित प्रधानमन्त्री कार्यालयमा भेटवार्ता भएको छ।
दुई शीर्ष नेताबीचको भेटमा संक्रमणकालीन न्यायसँग सम्बन्धित मुद्दाहरू, द्वन्द्वकालीन घटनाहरूको सत्य निरूपण तथा मेलमिलाप आयोगको पुनर्गठन, साथै वर्तमान राजनीतिक परिस्थिति र समसामयिक राष्ट्रिय विषयमा विस्तृत छलफल भएको स्रोतले जनाएको छ।
बैठकमा दुवै नेताले द्वन्द्वपीडितको न्याय सुनिश्चित गर्ने विषयलाई प्राथमिकतामा राख्नुपर्नेमा जोड दिएको बताइएको छ। साथै, संविधान कार्यान्वयन, आगामी निर्वाचन, र दलहरूबीचको सहकार्यको अवस्थाबारे समेत कुराकानी भएको थियो।
स्रोतका अनुसार, छलफल सौहार्दपूर्ण वातावरणमा सम्पन्न भएको थियो र निकट भविष्यमा पुनः भेटवार्ता गर्ने तयारी भइरहेको छ।
