काठमाण्डौ ।
धनगढी, बैशाख २२ – सुदूरपश्चिम प्रदेश प्रहरी कार्यालयको प्रमुखमा प्रहरी नायब महानिरीक्षक (डीआईजी) डम्बरबहादुर बिक नियुक्त भएका छन्।
प्रहरी प्रधान कार्यालयले साइबर ब्युरोमा कार्यरत डीआईजी बिकको सरुवा गर्दै सुदूरपश्चिम प्रदेशको जिम्मेवारी दिएको हो। यसअघि प्रदेश प्रहरी प्रमुखका रूपमा कार्यरत डीआईजी गणेशबहादुर चन्द सेवा निवृत्त भएपछि उक्त पद रिक्त रहेको थियो।
लामो समयदेखि प्रहरी सेवामा सक्रिय बिक साइबर अपराध अनुसन्धानमा विशेष अनुभव हासिल गरेका अधिकारी मानिन्छन्। साइबर ब्युरोमा कार्यरत रहँदा उनले डिजिटल सुरक्षासम्बन्धी विभिन्न ठूला अनुसन्धानको नेतृत्व गरेका थिए।
अनुशासित, कर्मठ र सक्षम अधिकृतका रूपमा चिनिँदै आएका बिकको नेतृत्वमा सुदूरपश्चिम प्रदेशको शान्ति सुरक्षा र कानून व्यवस्थामा थप सुधार आउने विश्वास गरिएको छ।
