खप्तड राष्ट्रिय निकुञ्जभित्र रहेको खप्तडबाबाको आश्रमको सुरक्षा हाल नेपाली सेनाले गर्दै आइरहेको छ। धार्मिक पर्यटकीय दृष्टिले महत्वपूर्ण मानिने उक्त आश्रम वि.सं २००६ मा निर्माण गरिएको हो।

 

वि.सं २०५३ सालको वैशाख २७ गते खप्तडबाबाको निधन भएपछि सो क्षेत्रको सुरक्षा जिम्मा नेपाली सेनालाई दिइएको हो। खप्तड क्षेत्रमा दर्शन गर्न आउने तीर्थयात्रीका लागि यो आश्रम मुख्य गन्तव्य मानिन्छ। प्राकृतिक शान्ति र आध्यात्मिक साधनास्थलीका रूपमा परिचित यस स्थानमा वर्षेनी सयौं भक्तजन र पर्यटकहरूको आगमन हुने गर्दछ।

 

स्थानीयबासी र पर्यटकहरूका अनुसार, आश्रमको संरक्षण र प्रवर्द्धनले खप्तड क्षेत्रको धार्मिक र पर्यटकीय महत्व झनै बढ्ने अपेक्षा गरिएको छ।