नेपाल प्रहरीका चार जना प्रहरी नायब महानिरीक्षक (डीआईजी) को सरुवा गरिएको छ। गृह मन्त्रालयको निर्णयअनुसार विभिन्न प्रदेश तथा विभागमा उनीहरूको जिम्मेवारी हेरफेर गरिएको हो।
सरुवा सूचीअनुसार सानुराम भट्टराईलाई सुदूरपश्चिम प्रदेश प्रहरी कार्यालयको प्रमुखमा खटाइएको छ भने ओम अधिकारीलाई मधेस प्रदेश प्रहरी कार्यालयको जिम्मेवारी दिइएको छ।
यस्तै, गोविन्द थपलियालाई मधेस प्रदेशबाट उपत्यका प्रहरी कार्यालयमा सरुवा गरिएको छ भने ओमबहादुर रानालाई अपराध अनुसन्धान विभागमा पठाइएको छ।
यसअघि सुदूरपश्चिम प्रदेश प्रहरी कार्यालयको प्रमुखका रूपमा कार्यरत रहेका रानाको सरुवापछि उक्त जिम्मेवारी भट्टराईले सम्हाल्ने भएका छन्।